വിവാഹം കഴിഞ്ഞ ഒരു സ്ത്രീയെ പ്രണയിക്കുംബോൾ ഒട്ടുമിക്ക പുരുഷന്മാരും ഒരു ലക്ഷ്യമേ ഉള്ളൂ . ശാരീരിക ബന്ധം . അല്ലാതെ പ്രണയത്തിലാവുന്ന സ്ത്രീവിചാരിക്കുന്നത് പോലെ അവളോടുള്ള അടങ്ങാത്ത പ്രണയം കൊണ്ടൊന്നുമല്ല അവൻ നിങ്ങൾക്ക് ഇങ്ങനെ മെസേജുകൾ അയച്ചു കൊണ്ടിരിക്കുന്നതും വിളിക്കുന്നതും .എല്ലാദിവസവും രാവിലെ ഉണർന്ന ഉടനെ ഒരു good morning എന്ന മെസ്സേജ് നിങ്ങളുടെ ഫോണിലേക്ക് അവർ അയക്കും . അങ്ങനൊരു മെസേജ് നിങ്ങൾ കണ്ടാൽ എന്താ ആദ്യം കരുതുക നിങ്ങളോടുള്ള സ്നേഹം ,അവൻ ഉണരുമ്പോൾ തന്നെ നിങ്ങളെ ഓർത്ത് കൊണ്ടാണ് എന്നൊക്കെയല്ലേ . കൂടെ കിടക്കുന്ന ഭർത്താവ് നിങ്ങൾക്ക് ഒരു മെസേജ് പോലും അയക്കുന്നില്ലല്ലോ എന്ന് . അത് എന്നാൽ അങ്ങനെ അല്ല . അത് അവരുടെ ഒരു തന്ത്രം മാത്രമാണ് . ഈ പറഞ്ഞ കാര്യം നിങ്ങളെ കൊണ്ട് ചിന്തിപ്പിക്കുക എന്നുള്ളത് മാത്രം .
കൂടെ കിടക്കുന്ന ഭർത്താവ് മറ്റാരെ സ്നേഹിക്കുന്നതിലും കൂടുതൽ നിങ്ങളെ സ്നേഹിക്കുന്നത് കൊണ്ടാണ് രാവിലെ എഴുനേറ്റ് ജോലിക്കു പോകുന്നതും നിങ്ങളുടെ ആവിശ്യങ്ങൾ സാധിച്ചു തരുന്നതും .ഓരോ കല്യാണങ്ങൾ വരുംബോഴും നിങ്ങൾക്ക് രണ്ടും മൂന്നും ടോപ്പും അതു പോലെമക്കൾക്ക് ഡ്രസ്സും വാങ്ങിക്കുംബോഴും” എനിക്കിപ്പൊ ഒന്നും വേണ്ട ” എന്നൊക്കെ പറഞ്ഞ് ഒന്നും വാങ്ങാതെ മാറി നിൽക്കുന്ന ഭർത്താക്കൻമാരെ നിങ്ങൾ കണ്ടിട്ടില്ലേ . ഇതു എന്താ എന്നറിയുമോ നിങ്ങളുടെ ഒക്കെ ആവശ്യങ്ങൾ കഴിഞ്ഞ് അയാൾക്ക് ഡ്രസ് എടുക്കാൻ കൈയിൽ പണം കാണില്ല . പോക്കറ്റിൽ ബാക്കി വരുന്ന അഞ്ഞൂറ് രൂപയുടെ കൂടെ മറ്റൊരു അഞ്ഞൂറു രൂപയും കൂടി കൂട്ടിയിട്ട് വേണം അവർക്ക് അടുത്ത ചിട്ടിയുടെ പൈസ കൊടുക്കാൻ. ഓർമ്മയില്ലേ നിന്റെ സഹോദരനു എന്തോ അത്യാവശ്യം ആണെന്ന് പറഞ്ഞ് ചിട്ടി വിളിച്ച് കുറച്ച് പണം കൊടുത്തതും ബാക്കി പണം വീടിന്റെ ലോൺ അടച്ചതും .
ഇതൊക്കെ നടത്തികൊണ്ടുപോകുന്നതിനിടയിൽ അവർക്ക് നിന്നോട് കൊഞ്ചാൻ സമയം കിട്ടിയെന്നു വരില്ല . ഇവിടെയാണ് നിന്റെ കാമുകന്റെ വിജയം . സന്ധ്യാ സമയത്തു കാമുകനുമായി സംസാരിച്ചു കൊണ്ടിരിക്കെ നീ പറയും ” ഞാൻ ഫോൺ വെക്കട്ടെ എനിക്കു കുളിക്കണം” എന്നു .അപ്പോൾ നിന്റെ കാമുകൻ ഫോൺ കട്ടക്കാൻ സമ്മതിക്കില്ല . ചിലപ്പൊ പറയും “എന്റെ മോളെ ഞാൻ തന്നെ കുളിപ്പിച്ചു തരാം അല്ലേൽ നമുക്ക് ഒന്നിച്ച് കുളിക്കാം സോപ്പൊക്കെ തേച്ച് അങ്ങനെ ” . ഇതൊക്കെ കേട്ട് നിങ്ങളൊന്ന് കോരിതരിക്കും . ഹൊ എന്നോട് എന്തൊരിഷ്ടമെന്ന് അങ്ങ് കരുതും . അതേ സ്ഥാനത്ത് നിന്റെ ഭർത്താവ് ആണെങ്കിൽ ” നീ ഇതു വരെ കുളിച്ചില്ലേ?” എന്ന് ഒറ്റ ചോദ്യമേ ഉണ്ടാകാറുള്ളൂ . ഇതുനു കാരണം പലതാണ് . അതി രാവിലെ എണീറ്റ് ജോലിക്ക് പോകുന്നതല്ലേ . അതിന്റെ ക്ഷീണം മാറണമെങ്കിൽ ആദ്യം ഒന്നു കുളിക്കണം എന്നിട്ട് വേണം അവർക്ക് എന്തെങ്കിലും ഭക്ഷണം കഴിക്കാൻ .
എന്നാൽ ഇതിനിടെ നീ പറയുന്ന നിന്റെ ബുദ്ധിമുട്ടുകൾ എല്ലാം വളരെ ക്ഷമയോടെ കാമുകൻ കേൾക്കും . എന്നിട്ട് പറയും ” നീ ആയതുകൊണ്ടാണ് ഇതൊക്കെ ഇങ്ങനെ സഹിക്കുന്നത് വേറെ ആരെങ്കിലും ആണെ എന്നേ എല്ലാം കളഞ്ഞിട്ട് പോയിട്ടുണ്ടാകും ” എന്നൊക്കെ . ഇതൊക്കെ പറയുന്നത് നിങ്ങളോടുള്ള സ്നേഹം കൊണ്ടാണെന്ന് നിങ്ങൾക് തോന്നിയോ . തോന്നും . അതാണല്ലോ അവരുടെ കഴിവ് . ഇതിനിടെ ഇവർ ഇടയ്ക്കിടെ നിന്നെ കാണാൻ തോന്നുന്നു എന്നു പറയും . പിന്നെ പതുക്കെ പതുക്കെ പൊടിപ്പും തൊങ്ങലും വച്ച് കൊണ്ട്അവരുടെ നാട്ടിൽ സംഭവിച്ച ഓരോ അവിഹിതങ്ങളുടെ കഥകൾ പറഞ്ഞു തരും . ഇത് എല്ലാ സ്ഥലത്തും നടക്കുന്നത് തന്നെന്നും ഒരു കുഴപ്പോം ഉണ്ടാവില്ല എന്നൊക്കെ പറയും . എന്തിനാ ഇതൊക്കെ പറയുന്നേ എന്നോ . അവരും നിങ്ങളും തമ്മിലും അങ്ങനെ അതുപോലൊരു അവസരം ഉണ്ടാക്കി എടുക്കാൻ വേണ്ടിയാണു .
ഇങ്ങനെ ഉള്ള ബന്ധങ്ങളിൽ കാമുകൻമാരോട് അവരുടെമറ്റു കുട്ടുകാർ ചോദിക്കുന്ന ഒരു ചോദ്യമുണ്ട് .എടാ അവൾ നിന്റെ തലേൽ ആകുമോ ?” എന്ന് . അപ്പൊ അവർ പറയുന്ന മറുപടി ഇതാണ് ” ഇല്ലടാ കുട്ടി ഉള്ള കൊണ്ട് പ്രശ്നമില്ല ” എന്ന് . അതിന്റെ മറ്റൊരു വശം അവർ നിങ്ങളോടും പറയും . ” ആ കുട്ടി ഇല്ലായിരുന്നെങ്കിൽ ഞാൻ നിന്നെ കൊണ്ടു പോകുമായിരുന്നു ” എന്ന് .ഒലക്ക കൊണ്ടു പോകും . അത് നിങ്ങൾ അവനോടൊപ്പം വരാതിരിക്കാൻ അല്ലെങ്കിൽ അങ്ങനൊയോരു ചിന്ത പോലും വരാതിരിക്കാൻ അവർ മുൻ കൂട്ടി പറയുന്നതാണ് .ഇതിൽ വല്ല സംശയവുമുണ്ടെങ്കിൽ ഒരിക്കൽ അവരോട് ചോദിക്കുക ” ഞാൻ നിന്റെ ഒപ്പം പോരട്ടെ എന്നു അപ്പോൾ അവൻ മറുപടിക്കു കിട്ടാതെ തപ്പുന്നത് കാണാം . ഒടുവിൽ ഒട്ടും ആത്മാർഥ ഇല്ലാതെ വരാൻ പറയും . മക്കളെ കൂട്ടാതെ നീ വരാമെങ്കിൽ ഞാൻ നിന്നെ കൊണ്ടു പോകാം എന്നൊക്കെ പറയും .
അതിലെ ആത്മാർഥത നിങ്ങൾ സ്വയം അളന്നുനോക്കുക . ഭർത്താക്കൻമാരും കുറച്ചു ശ്രദ്ധിക്കണം . മറ്റൊന്നും അല്ല അവൾക്ക് പരിഭവം പറയാനും ദേഷ്യപ്പെടാനും സനേഹിക്കാനുമൊക്കെ നിങ്ങൾ മാത്രെ ഉള്ളൂ എന്ന് .പരസ്പരം സമ്മതത്തോടു കൂടി ഉള്ള ശാരീരിക ബന്ധം ഒരു കുറ്റമല്ല എന്നാണ് സുപ്രീം കോടതി വിധി . എന്റെ പേഴ്സണൽ അഭിപ്രായവും അതാണ് .എന്നാൽ ഒരു കുടുംബം തകർത്തുകൊണ്ടാകരുതു മാത്രം . ഇതില്‍ എഴുതിയത് മുഴുവൻ ശെരിയാണ് എന്ന് തോന്നുന്നെങ്കിൽ മാത്രം പൊതു സമൂഹത്തിന്റെ അറിവിലേക്ക് ഷെയർ ചെയ്യു.